日語教室:(轉貼)挑戰各種日語漢字讀音的粵式漢檢

以下遊戲,由facebook朋友雲野聖舵(Kumano Shota)設計

WqvPDAt

【★★★ 粵式漢檢 ★★★】
識玩條件:起碼要識晒日文五十音+識粵語+識日文更佳
玩法好簡單,同日本漢檢(日本漢字能力檢定)一樣,
不過係粵語版。睇完例子你就會明。
用日文標嘅詞語基本上都係中文詞語嚟,日文係冇嘅。

例1) 啱啱瞓醒就要即刻仆去【さつが】,想唞多陣都唔得。
→答:刷牙(さつが)

例2) 截極都截唔到架【しょうは】,搞到今日又遲到。
→答:小巴(しょうは)

例3) 你睇佢跌到【いっぽくいちろく】,都係叫白車啦。
→答:一仆一碌(いっぽくいちろく)

例4) 個【①さいろ】冇大冇細,見到老師都【②すんすんこう】。
→答:①細路(さいろ); ②吋吋貢/寸寸貢(すんすんこう)*
*雖然「串串貢」都係通俗寫法,但呢度答「串串貢」係錯嘅,因為「串」日文音讀係「せん」。

例5) 你咁【①ろうれい】,【②へんこ】仲敢同你玩呀?
→答:①狼戾/狼唳(ろうれい); ②邊個/辺個(へんこ)*
*由於係中文嘅字句嚟,但又同時係日文問法,所以你用日本漢字答定用繁體字(正體字)答都冇問題。但中國簡化字唔接受。

==========================

1) 你係有心做【こうか】嘅,就唔會拖到返學先做啦。

2) 次次約你【ていぎ】你都推三推四,唔想我約咪出聲囉。

3) 阿爺勁鍾意睇【あし】,就算播返清朝啲煙花佢都會睇。

4) 你幫個仔改個咁難寫嘅名,因住第時【①ばっしょう】寫到【②しゅなん】。

5) 嘩,我次次見親你都係見到玩緊【①しゅき】架喎,你可唔可以【②おんかしょ】呢?

6) 我【①とが】喇,你幫我【②ろっこめん】啦。

7) 就算你變咗【①らくとうけい】我都係唔會幫你【②たんしゃ】。

8) 我上個月去完【①たんばく】,下個月打算去【②だい】。

9) 如果【①らふ】可以令【②とうずい】免費,【③からくじふい】?

10) 上次個【①てきしろう】勁【②そうてい】囉,我明明都冇得罪佢。

11) 你睇下條河【①はとうきょうゆう】,你行落去只會係【②しろいちじょう】。

12) 家姐【①いまとう】,所以【②ひき】係會差啲,你【③にんじょう】下啦。

13) 本身諗住去【①ほだいとう】,點知個船家駛錯咗去【②がいれいていとう】。

14) 你估有錢就可以俾你【こさくひい】咩?

15) 啲【①すいむしょ】職員唔記得冚返個【②こうきょがい】,結果有個人跌咗落去。

16) 如果我研發到【①じこうき】,我諗我已經係【②だっぱいじしょうとくしょうしゃ】。

17) 本來【①さんりょうかしゅせい】就搞得掂,佢係都要用成個【②しょうとう】嘅。

18) 你食咗【①ひょうしたん】呀?好惹唔惹,惹【②かくりおく】個【③かんしつろう】?

19) 【①しき】,唔該【②ぜんめんがいこう】有落。

20) 你咁好【①ちゅうき】,真係【②いえんあはく】都唔夠你嗌。

X1) 你再點【①ほうしょほう】,都係唔夠佢嚟架喇,你都係【②しゅうとう】罷啦。

X2) 小明由西邊嘅【①こうこう】站,搭去東面嘅【②こうこう】站。 《呢題經典,我要攞版權XD》

X3) 陣間嘅【①しょうや】係,【②はくじゅうとんだぎょきょくはん】配【③りゅうかとう】。

X4) 你咁鍾意玩【①しんちょろう】,莫非你係【②ひぎゃっきょう】?

X5) 佢哋三個【①いいい】,由【②だいい】去到冇雷公咁遠嘅【③かいい】。《又係一題經典XD》

X6) 《最終BOSS》 我諗嗰個【①さいろ】就算【②さいろう】,都會拖實佢【③さいろう】去尋找當年拐走佢哋嘅【④さいろう】。

Related Posts

by
香港旅遊及生活部落客歷7年、曾多次受邀到日本及台灣採訪,​以日本深度遊、各種藝術文化交流、日本社會學等等個人分享及見解深受各個年齡層喜愛日本的人士歡迎。著有《Kiri的東瀛文化觀察手帳》。
Previous Post Next Post

Leave a Reply

Your email address will not be published. Required fields are marked *

0 shares