日語初心者學習障礙(8)請靚女同我心心手合照點開口 ​

上集講到點樣去請人俾一樣野你,我用請大家賜Like嘅方法做咗幾個例子。首先多謝大家俾面收到好多好好Like。做人有始有終,今日我會講點樣叫人哋為我地做一樣野,我首先用返「呃Like」做例子:
「いいね!」をください = 給我Like。
「いいね!」を押してください = 給我按Like
兩句比較下大家會發現多了一截「押して」,原來佢解「按」。
呢個「て」尾嘅東西係「動詞て形」,我稱其為「五十音後第一個最多人放棄的關口」。

表面上唔同動詞轉得快過女人心理,不過讀日文容易過追女神在於て形嘅轉法有歌仔唱,只要背咗歌仔就一世無憂會轉錯。
閒話少講,叫人做嘢最直接了當嘅就係:
動詞て型+ください
問題係有啲嘢唔L係老奉,你試下每月10K人工然後阿媽叫你每月8Kを払ってください(キリ按:払って=支付)你都暗暗叫苦。
愛情動作片中「雅美蝶」聽得多,其實同上面ください一樣,都係請求—不過連ください都唔加只有て形,就成為更簡單的請求/命令了。
やめて……
而家記得て型可以請人做嘢,叫除咗ください,有冇其他更有禮貌嘅呢?
例如腦魔BB想同キリ老師影心心相。
ハートをしてください。
整心心丫~
如果老師竟然唔理佢,唯有再禮貌啲:
ハートをしてくれませんか。
可以整個心心俾我嘛~
又或者可以
ハートをしてもらえませんか。
我可以接受你為我整心心嘛~
於是老師終於同腦魔影到呢張世紀合照。
咁如果腦魔見到唔係老師,而係玫瑰馬應該點樣顯示佢見到女神想影心心手嘅熱情、同作為小粉絲嘅心跳呢?
ハートをしてくださいませんか。
(尊敬又緊張地)請您能為我整心心嗎~

——————-
日語初心者學習障礙⑥有關移動的動詞
https://www.kiri-san.com/post/22747
日語初心者學習障礙⑤時間日子什麼時候加「に」?
https://www.kiri-san.com/post/22680
日語初心者學習障礙④點講生日日子?
https://www.kiri-san.com/post/22672
日語初心者學習障礙③指示方向與位置
https://www.kiri-san.com/post/22615
日語初心者學習障礙②生活用品怎樣記!?
https://www.kiri-san.com/post/22610
日語初心者學習障礙①停在平仮名拿著表總不入腦?!
https://www.kiri-san.com/post/22502

Related Posts

by
香港中文大學歷史系學士、日本語言及教育碩士。曾居東京旅居日本47道都府縣,多次受邀日本各地深入採訪,特別鐘情東北地方。 除個人網站及專頁「おしゃれキリ教室」外於「香港留日學友會」執筆分享留日趣聞,同時透過日本語FREE PAPER「LEI」向居港日人介紹香港地道文化。 著有日本文化書籍《Kiri的東瀛文化觀察手帳》(2017)及獨遊旅行指南《日本一人旅》(2019)。
Previous Post Next Post