突發奇想從來無人講過租着和服有啲乜嘢初級日文可以講？學唔係好耐點樣可以用有限公司嘅日文去表達呢？ 咁我都知，有店舖轉做台灣人、大陸人、香港人生意固然可以用中文或者英文但唔係人人鍾意去。 如果只會講日文的店舖又擔心雞同鴨講可以點呢？其實簡單日文已經足夠幫到你。 今日講預約。 最基本嘅預約電郵格式： はじめまして、香港の〇〇です。 着物レンタルを予約したいです。 〇月〇日〇時はいいですか。二人です。 お願いします。 如果需要提供個人身高體重腳長資料： 身長：〇〇センチ 体重：〇〇キロ 靴サイズ：〇〇センチ 如果有特定的Plan也可以講明： 「〇〇〇〇（請直接抄襲網站裏面的Plan）」をお願いします。 其他我估計大家有可能會問的問題： メイクは無料ですか。 メイクはいくらですか。 メイク就是化妝，第一句問是不是免費，第二句問幾錢。除了化妝之外還可以問：ヘアセット整頭髮、ヘアアクセサリー頭髮裝飾是否免費等等。 以上預約篇希望幫到想去試着和服的各位。

今日想同大家講下生死嘅問題。當然唔係哲學層面，而係係日文方面我哋點樣去分あります vs います。 簡單啲講，前者就係用嚟配搭死物、後者就係生物。 旅伴A終於跟老師學到あります。作為一個專業嘅鐵膠，佢可以利用好多京急列車同車站名寫好多あります例句，皆因全部都係死物呀嘛。不過います呢？ 你唔好以為呢一個係一個簡單嘅問題，其實係一個充滿哲學思想嘅問題。 我仲記得當年我學嘅時候我提出嗰啲名詞係令到日藉老師一頭黑人問號。