日語初心者學習障礙(13)一齊食糭同荔枝啦

前日去旅遊展仲同朋友J講今年冇端午節糭,慶幸尚有人冇忘記飛來飛去的冇腳小鳥K。

返香港遇上端午節實在太好彩,而且還碰上了20年一度荔枝大豐收!尋晚一個人食咗兩磅荔枝。

首先教大家糭同荔枝兩個生字:
ちまき & ライチ

今日想講嘅文型「~ましょう」在非常早期應該已經學到了。例如行街行攰左就可以講:

ちょっと休みましょう。
稍為休息一下丫~

至於有好食嘅荔枝就更加要分甘同味:

ライチ(荔枝)をたべましょう。
一齊食荔枝啊~

各位有冇印象去到後期有另外一個句子叫做:

カバンを持ちましょうか。
我幫你拎手袋丫~

這是主動去幫助人的時候可以說的句子。

例如當你見到有人輸波喊緊嘅時候你可以友善咁俾一張紙巾俾佢然後講一句:

これ、あげましょうか。
呢個,我俾你啦~

至於喺大阪嘅朋友如果已經排隊兩個鐘頭仲未見到的士,你可以同佢講:

心配しないでください。一緒に待ちましょう。
唔好驚,一齊等啦。

至於一齊住喺香港嘅朋友每日望住新聞係咪好想死呢。

我係唔會叫大家一齊去死嘅,所以:

一緒に笑いましょう、ね?
一齊笑吓啦,呢?

Related Posts

by
香港中文大學歷史系學士、日本語言及教育碩士。東京留學、旅居日本47道都府縣並多次深入採訪日本各地。興趣為和服、水引、日本明治大正文學、持唎酒師資格。著有日本文化書籍《Kiri的東瀛文化觀察手帳》(2017)、獨遊旅行指南《日本一人旅》(2019)及香港日本戰前交流歷史研究《爐峰櫻語:戰前日本名人香港訪行錄》(2022)、《爐峰櫻語:戰前日本人物香港生活談》(2023)。除本網站及FACEBOOK專頁「おしゃれキリ教室」,亦透過日本語雜誌「HONG KONG LEI」推廣香港文化散步。
Previous Post Next Post