日語初心者學習障礙(10)「香港有港豬」定「港豬在香港」? ​

今日想同大家講下生死嘅問題。當然唔係哲學層面,而係係日文方面我哋點樣去分あります vs います。
簡單啲講,前者就係用嚟配搭死物、後者就係生物。
旅伴A終於跟老師學到あります。作為一個專業嘅鐵膠,佢可以利用好多京急列車同車站名寫好多あります例句,皆因全部都係死物呀嘛。不過います呢?
你唔好以為呢一個係一個簡單嘅問題,其實係一個充滿哲學思想嘅問題。
我仲記得當年我學嘅時候我提出嗰啲名詞係令到日藉老師一頭黑人問號。

我哋由最基本開始講:你啦、我啦、屋企人同朋友等等都一定係生物係咪先。
迪士尼樂園、成田機場、新幹線、傢俬、食物全部都係死物大家都知啦。
咁腦魔呢?咁科學怪人呢?
咁綠野仙蹤裏面嗰個機械人呢?
羅馬尼亞嗰個德古拉伯爵呢?
幽靈呢?妖怪呢?
我記得當時老師滿面黑線咁樣同我地講,嗰啲乜乜幽靈鬼怪崖上的波兒,全部你當佢哋生物啦。
另外仲有一樣野好多同學仔可能會忘記就係植物我哋都要當死物用あります㗎。
後來我就諗311後陸前高田「奇蹟一本松」佢有咁大嘅代表依然仲咁有生命力,唔通我都要當佢係あります?
亦都有同學仔問過係咪即係會郁嘅嘢就當係有生命呢?
唔係囉。飛機火箭火車私家車全部都會郁㗎啦。
原本以為係好簡單嘅一個課文,就比大家豐富嘅想像力擾亂變成左「低能兒童歡樂多」嘅實例。
好啦返嚟啦。跟住係用あります同います去講「某一個地方有一樣嘢」嘅方程式:
香港は港豚がいます。
香港有港豬。
由於「港豬」指一種「對香港所有事務不聞不問、醉生夢死不理後果」類型的人,所以是生物。
香港は高鉄があります。
香港有高鐵。
廢話少講高鐵梗係死物!你唔係幻佢可以好似新幹線E5 E6系咁樣變身機械人放喺百貨公司玩具部掛?(笑)
我哋想講「某一樣野存在於香港」嘅話可以咁樣做:
港豚は香港にいます。
港豬存在於香港。
高鉄は香港にあります。
高鐵存在於香港。
依家我哋嘗試比較兩句句子,各位睇吓你會Prefer講邊一句?
香港は港豚がいます。
港豚は香港にいます。
我自己會選擇第一種講法。因為香港「的確」有港豬,但係因為這一種人是會移動的,他們離開了香港都一樣可以是港豬。
#我諗腦魔應該係生物用います
#東北はE5E6があります
#古い新幹線はヨーク鉄道博物館にあります
#ヨークはイギリスにあります
#ヨークは幽霊がいます

Related Posts

by
香港旅遊及生活部落客歷7年、曾多次受邀到日本及台灣採訪,​以日本深度遊、各種藝術文化交流、日本社會學等等個人分享及見解深受各個年齡層喜愛日本的人士歡迎。著有《Kiri的東瀛文化觀察手帳》。
Previous Post Next Post

Leave a Reply

Your email address will not be published. Required fields are marked *

0 shares