日語初心者學習障礙(11)學得幾個月日文、帶另一半去旅行想威下點好?

成日都有啲學得幾個月嘅男仔問帶女朋友去日本點樣展現自己識講日文嘅魅力。大佬你得半桶水又要威我盡人事幫你啦,快啲講多謝呀!!

嗱我假定你依家學咗三個月講嘢都驚驚青青兼腳震,不過以下呢啲句子我保證你隨時都可以應用。

至於太過困難唔識講嘅嘢就唔該你身體語言搭救,初心中嘅初心係咁嘅貨仔㗎喇⋯

機場篇

香港までです。これは私のパスポートです。
窓側(まどがわ)の席をください。
*多數女仔都係要窗口位,我幫你諗埋。
右の窓側をください。
*回程嘅時候可以睇到富士山喎。

飛機篇

コーヒー/お茶をください。
お手洗いは後ろですか、前ですか。
*以上純粹係俾各位男士同靚靚日本空姐有言語交流而作出嚟嘅句子。

酒店篇

Wi-Fi パスワードを教えてください。
〇〇はどこですか。マップがありますか。
*我就係知道你唔識聽所以幫你諗定叫佢拎地圖出嚟!

飲食篇

これをください。はい、ひとつです。
お水をください。
お湯(ゆ)をください。
*有啲女仔唔飲凍水你就問佢哋攞熱水啦。不過唔好佢有咩唔舒服你都叫佢飲熱水!!

購物篇

彼女/彼のサイズがありますか。
*唔好講咩碼!唔好提大碼!
試着(しちゃく)は大丈夫ですか。
おすすめアイテムは何ですか。
他の色(いろ)がありますか。

藥房篇

免税(めんぜい)をください。パスポートです。
全部でいくらですか。
風邪(かぜ)くすりがありますか。

便利店篇

レジ袋(ぶくろ)はいいです。テープでいいです。
*唔使要膠袋。貼膠紙就得。
別々(べつべつ)にしてください。
おはしをください。
温めて(あたためて)ください。
*分開包裝、要筷子、整熱佢都齊晒啦。

各位初心者以上有部份生字可能你未見過,但係唔緊要—起碼你知道句句子講乜嘢跟住平假名讀就得啦。

我覺得學任何一樣野最重要係士氣,如果你眼裏面連團火都冇埋就唔會繼續落去。要點樣令到你有決心繼續堅持,首先就係要俾啲甜頭你食,等你唔好覺得自己係一敗塗地嘅廢青。

各位男朋友女朋友:唔好嘲笑你嘅另一半講得唔夠流暢,佢願意帶你去旅行講BB班日文你應該鼓勵佢。

#小情侶去日本旅行真浪漫lor
#愛徒們感情路上老師做你強大後盾
#聽講男仔識日文仲要唔毒就好受女仔歡迎
#你信啦望下我啲A0男學生先啦
#唔係喎我啲學生個個都毒毒地sosad
#女仔識日文似乎反而受歡迎

 

Related Posts

by
香港旅遊及生活部落客歷7年、曾多次受邀到日本及台灣採訪,​以日本深度遊、各種藝術文化交流、日本社會學等等個人分享及見解深受各個年齡層喜愛日本的人士歡迎。著有《Kiri的東瀛文化觀察手帳》。
Previous Post Next Post

Leave a Reply

Your email address will not be published. Required fields are marked *

0 shares