在ANNnewsCH看到11月20日新聞提到中國禁止輸入日本和牛原來已經20年，但是在北京等地卻有 #和牛大人氣 的情況。客人們吃的並不是來自日本的和肉，而是澳洲生產的和牛。
幾年前， #日本畜産物輸出促進協議会 推出的「 #和牛統一マーク 」便開始出現在香港各大超級市場和牛產品的包裝上。
＊標籤圖樣在此，各位如果去超級市場買牛肉可以留意。
隨着香港人越來越懂得食好西，隨便都講得出幾個著名的和牛Brand例如 #神戶牛#松阪牛#宮崎牛 等等，我自己特別喜歡 #飛騨牛 ，但是在香港餐廳食得最多的是 #鹿兒島牛 。
雖然和牛統一標籤推出，但香港還是有相當多餐廳標榜 #澳洲和牛 。價錢相對實惠不在話下，不少食客認為都是一樣的種，在澳洲成長沒有什麼問題，最緊要CP值高；另一邊廂協會以及喜愛日本食材的食客又會爭拗飼養地和飼料會影響牛肉的品質。真正的日本製造，就要全部Made in Japan，正如「日本設計」卻在「中國生產」的商品，在大部份顧客眼中也沒有那麼值錢。
即使每年都會去日本旅行，但大家還是會在香港吃飯的。大家又會當澳洲和牛就是日本和牛嗎？咦？情況有點像要討論美國出生的中國人，到底是不是中國人了。不過放心，我們都有一個詞語叫做「美籍華人」。
我看了的新聞連結：https://youtu.be/peA2COJ8SjgYouTube留言裏面有日本人表示，這不是「和牛」是「豪牛」（日本稱澳為豪）
－－－以下摘錄香港網友意見－－－
Joe Pan：飛驒牛+1因為雪花冇其它頂級和牛如米沢牛咁多。雪花多冇錯係甘香D，因為油脂比重多嘛，但脂肪多，相對地肌肉少，肉味亦減。注重油香定係牛肉味，各有所好，個人覺得飛驒牛/近江牛等比較平衡，不會一味失心瘋追求雪花。雪花油脂多，就必定薄切份量少，確比較適合日式鐵板；相反，肌肉比較多的澳州和牛或紐西蘭牛份量大D(後者一般230-250g），而且因為肌肉多份量大又厚切，所以煎/燒的時候時間較長，maillard反應會强烈D，而肌肉多即水份多，需要rest令水份收縮，并不太適合鐵板(雪花和牛水份少且薄切，基本可以即燒即食）一般而言，粟食牛雪花較多較滑，草食牛冇咁滑但肉味濃D。各有所好，正如有人鍾意雞脾肉滑，但我更好雞胸，因肉味冇咁「濁」，較鮮甜且爽口
Andy Cheung：一路都覺得澳洲和牛同日本和牛係兩種牛黎
雖然俗語就話牛去到邊度都係牛，同一個種但養大既氣候環境水土都唔同，好難話係一樣既
Richard Wybis：日本和牛同澳洲和牛完全唔同啦 之前睇報道話高級日本和牛架種係來自幾頭牛近親繁殖就係為左保持肉質 近幾年和牛繁殖率大跌 真係有得食好食
Johnny Lee：同部位油花都好唔同，澳洲和牛大大件煎或者焗超正，但要鉄板焼、しゃぶしゃぶ或者すき焼き咁食真係唔同風味
