日語初心者學習障礙(6)有關移動的動詞

人來人往,你去這裏我去那裡,也可以直接用超級簡單的句子去表達。

話說旅伴A又去了東京搭京急。繼續努力記五十音的他把不同車站的名字聽完一次又一次。

「よこすかちゅうおう」

車站「横須賀中央」五個漢字可以變成上面一大串平假名。

「よこすか」是橫須賀,「ちゅうおう」就是中央。

繼續細心聆聽的話,車站廣播說的「つぎは、よこすかちゅうおう…..」,頭幾個字當然就是解下一站了。

旅行搭車聽着廣播一面記每一個字母的確是很好的方法,可不要只顧着發呆又或者照相。

如果已經學到動詞,可以做出簡單的句子:

横須賀中央へいきます。

去橫須賀中央。

ホテルへきます。

到(咗)酒店。

明日、香港へ帰ります。

明天我返香港。

有關移動的動詞最基本要記得三個:

去一個地方:〇〇へいきます。
來一個地方:〇〇へきます。
返一個地方:〇〇へかえります。

第一個的意思是「去」、第二個的意思係「嚟」、第三個意思係「返」。第一個同第二個大家唔會點搞錯,第三個通常係形容返去自己國家或者屋企,例如話你去完廁所轉頭又肚痛係唔會用「かえります」因為廁所唔係你本身嘅屋企、唔係本身係屬於地方。

你只需要認住以上三個句子然後係〇〇嘅位置放入你想出發去或者即將會到達嘅地方就可以。

所以如果你係啱啱開始學日文但係又想係一嚐生活裏面使用日文,可以學習A嘅方法,搭車嘅時候、經過紀念品售賣布見到旅遊書嘅時候留意吓人哋個地方名點寫,然後放入〇〇。

我5月23號要去大英博物館。

私は 5月23日に 大英博物館へいきます。

早兩集我哋講過有數字嘅日子你要同我加「に」,所以如果我講5月23號嘅時候就要加上「に」。

唔記得嘅話自己拉落去睇返文章底部嘅連結返去複習。

如果簡單啲,「我今日要去大英博物館」。

私は 今日 大英博物館へいきます。

咩情況下要用きます呢?

我已經在大英博物館了,等緊朋友過嚟。

友達は 大英博物館へきます。

我朋友喺Underground出閘馬上打電話俾我:

今 きます!

就係而家嚟嘅意思。

睇晒展覽我話返屋企。

うちへかえります。

如果你肯乖乖地每日段反覆用這三個句子,日日寫、寫成個月發夢都保證你記得。

—————
日語初心者學習障礙:時間日子什麼時候加「に」?
https://www.kiri-san.com/post/22680

日語初心者學習障礙:點講生日日子?
https://www.kiri-san.com/post/22672

日語初心者學習障礙:指示方向與位置
https://www.kiri-san.com/post/22615

日語初心者學習障礙:生活用品怎樣記!?
https://www.kiri-san.com/post/22610

日語初心者學習障礙:停在平仮名拿著表總不入腦?!
https://www.kiri-san.com/post/22502

Related Posts

by
香港旅遊及生活部落客歷7年、曾多次受邀到日本及台灣採訪,​以日本深度遊、各種藝術文化交流、日本社會學等等個人分享及見解深受各個年齡層喜愛日本的人士歡迎。著有《Kiri的東瀛文化觀察手帳》。
Previous Post Next Post

Leave a Reply

Your email address will not be published. Required fields are marked *

0 shares